Apni taqdeer ka ek baab bana lo mujh ko

Dil e weeran ki dharkan mein basa lo mmujh ko

 

Mein woh bhanwra hun jise pyar ki khushbu na mili

Apne gulshan ke gulabon pe saja lo mujh ko

 

Ho munasib to kisi jashn mein shaamil kerlo

Verna seenay ka koi derd bana lo mujh ko

 

Hun khilona to meharbaan lagao qeemat

Hun jo insaan to seenay se laga lo mujh ko

 

Koi zewar hun to maathay ki banao zeenat

Hun agar khaak to qadmon se udaa do mujh ko

 

Haan mein mujrim hun gunehgaar hun sodayi hun

Tum ko chaha hai mohabbat ki saza do mujh ko

 

Mera dushman hai meri jaan yeh saara alam

Apni zulfon ke andheron mein chhupa lo mujh ko