Bohat dair tak hum yeh socha kiye

Yun her roz sajte ho kiske liye

 

Na gher se nikalna na chat pe qadam

Yeh banna sanwarna hai kiske liye

 

Kabhi hum ko khirki se awaz do

Yeh adna sa khadim hai kiske liye

 

Kabhi pyar ki hum se baaten kero

Zakhira mohabbat ka kiske liye

 

Kabhi ghoor ker humko dekha kero

Yeh nazron ke neze hain kis ke liye

 

Kabhi qaid kerlo saza do hamein

Ye zulfon ki zanjeer kis ke liye

 

Kabhi saath mere chalo do qadam

Yeh pairon mein paazeb kiske liye

 

Kabhi chashm noshi ki dawat karo

Yeh labrez paimane kiske liye

 

Kabhi ghazlen alam ki gaya karo

Yeh misri si awaz kiske liye