Dost hote nahin sab haath milanein wale

Jaan le-lete hain  seeney se laganein wale

 

Shaam dhalte hi kahin loot na lein sab kuch tera

Rehnuma  ban ke tujhe raah dikhanein wale

 

Aaj jo khud ko batate hain mazhab ka paiker

Yehi theye Isa ko suli pe chadhane wale

 

Khud hi ban jayen Nishana na apni goli ka

Auron ke  kaandhon pe bundooq chalane wale

 

Bijliyan tune gira dein kyun  nasheman pe mere

Apne haathon se mere gher ko bananein wale

 

Aatish-e-toor mein jal jayeng ek din ALAM

Dost reh ker bhi mere zakham laganein wale