Dhalnein lagi hai shaam sanam terey shehar mein

Hoga qayam aaj sanam tere shehar mein

Sooraj bhi chup gaya kahin badal ki oat mein

Aisi chali hai serd hawa tere shehar mein

Girgit ko poojte hain yahan rangon mein dubo ker

Dekha ajab riwaj sanam tere shehar mein

Her simt aap hi dikhe jis simt bhi gaya

Aankhen huyeen kharab sanam tere shehar mein

Tujh ko mere qareeb bhari mehfil mein dekh ker

Sab ho gaye khilaaf sanam tere shehar mein

Phoolon ke gird ghoomti titli ko dekh ker

Mein ho gaya jawaan sanam tere shehar mein

Tujh ko fareb se bhari duniya se chheen ker

Menein parhi namaaz sanam tere shehar mein

ALAM teri zameen ki khushbu ko dekh ker

boyenge hum gulab sanam tere sheher mein