Bohat tha bojh hum sab ka jo abbu nein uthaya tha

Magar hai firz yeh mera,  humain itna bataya tha

 

Hamari roz marrah ki zarorat thi bohat ziyada

Sabhi bacchon Ko phir bhi aapnen Aala padhaya tha

 

Mein kehta tha thilone do, mein kehta tha ke loti do

Tallaffuz theek kaisa ho yeh abbu nein sikhaya tha

 

Bas abbu yaad ate hain mein jab zeeney pe charta hoon

Ke paheli baar seedi per unhon ne hi charhaya tha

 

Kaha tha abbu nein humse koi bhi kaam ker lena

Magar jeena nahin jhuk ker hamein yeh bhi bataya tha

 

Mein mushfiq hoon mujhe meboob hain Allah ke sab bande

Kisi ko ghair mat samjho yeh abbu nein sikhaya tha

 

Main momin hoon mera Alam mere abbu meri Ammi

Badon se rabt rakhna hai yeh abbu nein sikhaya tha