Mujhe  yaad hai ab bhi guzra zamana

Bina baat baithe huye muskranan

 

Na biwi ke taane na bachchon ki zid thi

Sada ghar mein rehta tha hasna hasaanan

 

Woh hamsaye ki chhatt pe her roz jaa ker

Hari  neeli-peeli  patanggein  urana

 

Yeh abba se keh ker ke jaata hoon masjid

Magar teri galiyon ke chakkar lagana

 

Magar zindagi bun gai ab to dozakh

Kahan kho gai jaane chehre ki raunaq

Nahin mushkilon ka hai ab kuch thikana

 

Mujhe  yaad hai ab bhi guzra zamana

Bina baat baithe huye muskranan