Phoolon se khushbuon ko churanein mein reh gaye

Hum titliyon key rang uraanein mein reh gaye

 

Mujh be-aqal ki chapp  gayee ghazalon ki ek kitab

Aaqil jo theye woh lafz sajanen mein reh gaye

 

Humnein patang ura ke maanjha bhi rakh diya

Jo tang nazer theye paich laranein mein reh gaye

 

Jo loot- tey hain mulk woh sab bawaqar  hain

Hum kamtareen desh bachanein mein reh gaye

 

ahbab jaake mil gaye sab dushmanon ke saath

Hum dushmanon ko dost bananen mein reh gaye

 

Alam se pooncha jab bhi kya hai tujhe malal

Kehta hai rasam-e-ulfat nibhanein men reh gaye